Di nava du rojan de nêzî 300 hezar kes ji welat derketine.

Li gel gerim bûna mijara destpê kirina şereke berfire di navbera Îsraîl û hizbulaha Libnanê de xelkê Libnanê jî dest bi derketin ji vê welatî kiriye.

Beriya du rojan çend welatên cîhanê weke Kanada, Îtalya, Kuwait û çend welatên din yên kendavê daxwaz ji welatiyên xwe kiribûn daku, bilez ji Libnanê derbikevin.

Piştî vê yekê çapemeniya Libnanî jî dêmenên nava balefirgeha navnetewî ya Beyrûtê belav kiriye û nivîsandiye ku, di nava 24 seatan de herî kêm 250 hezar welatiyên Libnanî ji vê welatî derketine û berê xwe dane Ewrûpa û welatên din yên Rojhilata Navîn.

Weke tê zanîn ev demêke Îsraîl û hizbulah xwe bo destpê kirina şereke mezin amade dikin û artêşa Îsraîlê dibêje em li benda fermana destpê kirina êrîşêne û hizbulah jî dibêje me çekên nû hene û emê bi dijwarî bersifa Îsraîlê bidin.