Nivîskara Kurd li Almanyayê koça dawî kir
Sekretera Giştî ya Encûmena Bilind a Karûbarên Xaniman a Herêma Kurdistanê Pexşan Zengene ji Tora Medyayî ya Rûdawê re ragihand ku "Nivîskar û rewşenbîra Kurd Rûxoş Elî ji ber nexweşiyekê li welatê Almanyayê koça dawî kir. Rûxoş Xan nivîskar û rewşenbîreke navdar a Kurd bû, bi koça wê jî, mixabin Kurdan nivîskareke çalak ji dest dan.”
Pexşan Zengene herwiha diyar kir: "Em çaverê dikin ku heta çend rojan termê nivîskara Kurd bigihîje Herêma Kurdistanê.”
Rûxoş Elî di sala 1957an de jidayîk bûye û xwişka nivîskarê navdar Bextiyar Elî ye. Rûxoş Elî di nivîsên xwe de giringî daye mijarên netewî û jinan. Çendîn nivîs û babetên wê yên belavkirî hene. Korew û Yadewerî (Koç û Bîranîn), Zîwî Beyanî (Zîvê Sibehê), Le Nêwan Jehr û Umêd da (Di Navbera Jehr û Hêviyê de), Jinanî Şax (Jinên Çiya) navên çend pirtûkên wê yên çapkirî ne.
Rudaw
