Naveroka civîna Serokwezîr Barzanî û Serok Vladimir Putin
Nêçîrvan Barzanî Serokwezîrê Herêma Kurdistanê, êvariya roja çarşemê 09.05.2018 li bajarê Moskovaya patexta Rûsyayê, li meydana Sor, digel mêvan û şandeyên welatan, beşdarî di bîranîna serkeftina Cenga Mezina Niştimanî (Cenga Cîhanîya Duyem) de kir.
Piştî çalakiyên merasimê, Nêçîrvan Barzanî Serokwezîrê Herêma Kurdistanê û Vladimir Putîn Serokê Rûsyaya Federal li Koşka Kirêmlinê civiyan û her du aliyan têkeliyên dîrokî yên her du gelên Rûsya û Kurdistanê di qonaxên cuda de gotûbêj kirin û tekîd li ser zêdetir pêşxistina wan têkeliyan kirin.
Di civînê de, Serok Putin piştevaniya xwe ji bo gelê Kurdistanê û pêşxistina têkeliyên di hemû waran de û bi tyabetî di warê aborî, enerjî û civakî de nîşan da.
Nêçîrvan Barzanî sipasiya Serok Putin kir ku ew ji bo serdana Moskovaya vexwand û dupat kir ku Herêma Kurdistanê pêşwaziyê li her pêngavekê dike ku bibe sedema pêşxistina têkeliyên Herêma Kurdeistan û Rûsyayê. Herwiha hemû hêsankariyan pêşkeş bi pirojeyên enerjiyê û sermaye razandina rûsyayê li Herêma Kurdistanê dike.
