WÊNE - Berhevkirina 'Siyabo' li zozanên Feraşînê
![WÊNE - Berhevkirina 'Siyabo' li zozanên Feraşînê](https://gulanmedia.com/public/images/posts/20210525003038_original_28.webp )
Li navçeya Elkê ya Şirnexa Bakurê Kurdistanê welatiyên ku berê xwe dan Zozana Faraşînê, dest bi berhevkirina giyayê "siyabo"yê kirin.
Zozana Faraşînê ya bilindahiya wê ji 2 hezar 600 metreyî zêdetir e piştî helîna berfê dest pê kir nebatên curbecur ên li herêmê jî zîl dan û ji wan yek jî giyayê siyaboyê ye.
Siyabo yek ji wan giyayên sirûştî yên xwarinê ye ku bi taybet li Bakurê Kurdistanê gelek daxwaz li ser heye û xelk jê hez dikin. Jinên deverê jî bi kêrikan yek bi yek vî giyayê bitam ji binê wê derdixin da ku bixin nav berhemên şîr û xwarinên zivistanê.
Jina rêncber, Amîne Acar dibêje, ew ji bajarê Mêrsînê bo berhevkirina Siyaboyê serdana Zozana Faraşînê kiriye û diyar dike ku berhevkirina wî giyayî karekî zehmet e. Ew dibêje: “Me ber bi serê çiyayan ve rêwîtiyeke zehmet kir. Berhevkirina Siyaboyê gelek zehmet e. Çimkî li deverên bilind ên bi berf digihîje. Em vî giyayî dikelînin, dikin tenekeyan û devê wî digirin û ji bo zivistanê heltînin.”
Jineke din bi navê Sabîha Ertuş jî dibêje, ku ew ji wî giyayî, xwarin û xorekê çêdikin.
Rudaw
![WÊNE - Berhevkirina 'Siyabo' li zozanên Feraşînê](https://gulanmedia.com/public/images/posts/20210525003158_big_770x552_21.webp )
![WÊNE - Berhevkirina 'Siyabo' li zozanên Feraşînê](https://gulanmedia.com/public/images/posts/20210525003148_big_770x552_6.webp )
![WÊNE - Berhevkirina 'Siyabo' li zozanên Feraşînê](https://gulanmedia.com/public/images/posts/20210525003139_big_770x552_31.webp )
![WÊNE - Berhevkirina 'Siyabo' li zozanên Feraşînê](https://gulanmedia.com/public/images/posts/20210525003128_big_770x552_3.webp )