Li Laliş dest bi çêkirina zeyta zeytûnan hat kirin
Berdevkê perestgeha Laliş, Loqman Silêman ji BasNewsê re got, îro bi amadebûna baba şêx, nûnerên mîrê êzîdiyan û xizmetkarên Lalişê dest bi çêkirina zeyta zeytûan hat kirin.
Loqman Silêman her wiha got, li Lalişê zêdetirî 700 darên zeytûnan hene. Piştî ku zeytûnên wan hat komkirin, dest bi girtina zeyta wan tê kirin.
Wî berpirsê Lalişê da zanîn, zeyta zeytûnê bo vêxistina çirayên Lalişê tê bikaranîn. Li Lalişê 366 çira hene û hemû jî bi zeyta zeytûnê tê vêxistin.
Basnews
