Kurdekî ji Rojavayê Kurdistanê dest bi dirûna pantolonê herî dirêj yê cîhanê kiriye û dixwaze navê xwe li Pirtûka Guinness tomar bike.

Xwendekar Keleş ku xelkê bajarê Qamişlo yê Rojavayê Kurdistanê ye û li Swîsrê dijî û karê cildûrinê dike.

Ew xeyatê (terzî) Kurd dest bi dirûna dirêjtirîn pantolonê cîhanê kiriye. Keleş ku xebata xwe berdewam dike, armanca wî ew e pantolonekî bi dirêjiya 70 metre bidirû.

Xwendekar Keleş derbarê xebata xwe de ji Rûdawê re ragihand, dirêjahiya pantolonê ku kar li ser dike 70 metre ye û kemera wî jî 40 metre ye.

Keleş dibêje, “ev 4 hefte ne em mijûlî dirûna pantolon in” û aşkere dike ku plana wan ew e, di 6 mehan de ew pantolon temam bibe.

Xwendekar Keleş diyar dike ku tîma wan ji 83 kesan pêk tê û tekez jî dike ku eger di dema destnîşankirî de temam bibe ew pantalon bi navê wî û ekîba wî dê bikeve Pirtûka Guinness ya Rekorên Cîhanî.

Rudaw