Gencekî Kurd li korbendekî Rûsyayê pileya yekemîn bidest xist
Li bajarê Orenburgê yê Rûsyayê ji 108 welatan bi beşdariya 800 ciwanan “Korbenda Perwerdeya Ciwanan a Cîhanî” hat sazkirin û projeya gencekî Kurd amade kirî, pileya yekemîn bidest xist.
Ji ber belavbûna vîrusa koronayê û zêdebûna hejmara haletên koronayê gencê Kurd ê bi navê Mihemed Ebas nekarî beşdarî wê korbendê bibe, lê li ser navê wî keçeke Mexrîbî ku ligel wî proje pêşkeş kiriye, beşdarî merasîmê bû û weke xelat 300 hezar ruble stand.
Mihemed Ebas pêştir jî li Afîkaya Başûr, Rûsya, Maldiv, Malezya û çend welatên din beşdarî korbendên cîhanî yên derbarê pirsa mafên mirov û gencan de bûye û çend xelat jî wergirtine.
Derbarê xelatê “Eurasia Global” yê li bajarê Orenburgê wergitiyê de Ebas ji Rûdawê re got: “Ji nav 100 projeyên cuda yên derbarê perwerde, aştî, mafê mirovan û pirsa gencan de, projeya min weke yekemîn hat hilbijartin.
Ebas da zanîn ku projeya wî derbarê perwerdeyê de bûye û wî karî bala endamên lîjneya korbendê bikişîne li ser xwe.
Korbenda Perwerdeya Ciwanan a Cîhanî di navbera 2 û heta 8ê Îlona 2020an de li bajarê Orenburg ê Rûsyayê hat sazkirin.
Wî gencê Kurd herwiha ji Rûdawê re eşkere kir ku ew dê bi boneya vê serkevtina xwe hêzîrana sala li pêş me here Rûsyayê û dê beşdarî li korbendekî din bike.
Par bo yekem car du gencên Herêma Kurdistanê beşdarî li Korbenda Perwerdeya Ciwanan a Cîhanî li Rûsyayê kiribûn du proje bo xizmeta Kurdistan û xelkê di korbendê de pêşkeş kiribûn. Mihemed Ebas dibêje wî di wê korbendê pileya 15mîn bidest xistibû.
Mihemed Ebas xelkê navçeya Berdereş a Duhokê ye temenê wî 25 sal e, ev heyameke di warî perwerde û pirsên gencan de xebatên xwe dike û projeyan amade dike.
Rudaw
