Ciwanekî Kurd bi rêya boksîngê, navê xwe di pirtûka Guinnessê de tomar kir û rekora cîhanê şikand.

Li bajarê Duhokê yê Başûrê Kurdistanê, ciwanê Kurd ê bi navê Mistefa Reşîd, 55 demjimêr 14 xulek û 23 saniyeyan bê navber mist li kîsê boksîngê xistin û rekora cîhanê şikand.

Wî ciwanê Kurd di dema boksîngê de û ji bo şikandina rekora cîhanî, bi ti awayî destên xwe ji avêtina boksan ranewastandin û her wiha qet rûnenişt û her li ser lingan ew kîsê boksîngê da ber mistan.

Herwiha di dema boksîngê de, xwarin û vexwarineke gelek kêm ji wî xortê Duhokî re hatiye dabînkirin ku kesên derdorê xwarin dayînê û wî dest ji avêtina boksan bernedaye.

Serokê Federasyona KUBO li Duhokê ji Rûdawê re aşkere kiribû ku wan 3 kamêra li derdora wî ciwanê Duhokî danîne, da ku çavdêriya tevgerên wî bikin.

Ferşîd Îsa diyar jî kiribû ku bikaranîna derman û madeyên wuzebexş jî ji aliyê wî werzişkarî ve hatibûn qedexe kirin û gotibû divê ew bi şiyana laşê xwe bikare di wê hewldanê de serbikeve.

Rekora di vî warî de bi 55 demjimêr û 10 xûlekan di destê kesekî ji Îranê de bû û ciwabê Kurd ew rekor ji pênase ji wî wergirt û navê xwe li Guinnesê tomar kir.

Rudaw