Keçeke Amerîkî ku rahênera xweşemitandina ser berfê ye, hatiye Başûrê Kurdistanê û bi awayekî xwebexş li Çomanê ciwanan fêrî xweşemitandinê dike.



Eshly Hars ji Amerîkayê ye û rahênera xweşemitandina ser berfê ye û li Çomanê hejmarek kur û keçên Başûrê Kurdistanê fêrî xweşemitandinê dike.



Destpêkê li cihekî nizm rahênan dikin. Gelek zû dikevin erdê, lê daxwaza hînbûnê wisa dike ku êş û jan hîs nekin. Zû radibin û baş xwe dişemitînin. Hêlîn baş fêr bûye û masefeyeke dirêj diçe.



Hêlîn Selam ku ji bo fêrbûna xweşemitandinê hatiye Çomanê dibêje ku ew dixwaze fêrî xweşemitandinê bibe û keçên din jî fêr bike.



Rahênana keç û kuran, ji bo festîvala salane ya li Çomanê ye, hejmarek ciwan perwerde bûne û tirsa wan li ser xweşemitandinê nemaye.

Rudaw