Li Hewlêrê şahciwana sala 2018 ya Kurdistanê hat hilbijartin. Şahciwana îsal di nav 14 kandîdên şahciwaniyê de hat hilbijartin.

Di pêşbirkê de Sana xelkê bajarê Helebce ye û derçûya qonaxa amadeyî ye weke şahciwana Kurdistanê hat helbijartin.

Mîryan ku, xelkê bajarê Silêmaniyê ye û derçûya beşê endezyariyê ye weke wesîfa duyem hat helbijartin û Karêz ku, xelkê bajarê Hewlêrê ye û derçûya qonaxa amadeyî ye weke wesîfa yekem a şahciwanê hat helbijartin.

Ew keça ku dibe şahciwana Kurdistanê, dibe xwedana xaniyekî li Hewlêrê bo heyama salekê, her wiha heyama salekê mûçe destine û otomobîlek taybet jê re tê dabînkirin. Ew jî divê di heyama wê salê de jêhatîbûna xwe nîşan bide û çend çalakiyan bi taybet di warê xêrxwaziyê de encam bide.



Mercên şahciwana Kurdistanê ev in: Temenê wê ji 18 salan kêmtir nebe û ji 30 salan jî zêdetir nebe, nabe mêr kiribe, divê kurd be, bejna wê ji 165 santîman kêmtir nebe, xwedan bawername be û ti neştergeriyeke estetîkê nekiribe.

Basnews