Sibê 22.10.2018ê li Hewlêrê yekem festîvala Hewlêrê ya hunerên millî, bi beşdariya gelek grubên millî yên navxwe û dervey herêma Kurdistanê ve dê birêve biçe.

Rêveberê hunerî yê şanoya Hewlêrê û rêveberê baskê Hewlêrê yê sendikaya hunermendên Kurdistanê Hîwa Suad ji BasNewsê re ragehand: ‘’8 grub di vê festîvalê de beşdarin, ew jî grubên Hewlêr, Silêmanî, Duhok, Kerkûk, Besra, Bexda û herwaha her du grubên Şarya û Newroz.’’

Derbarê armanca rêxistina wê festîvalê de jî Hîwa Suad dibêje: ‘’Armanca me nêzîk kirin û hevnasîna hunerên millî ye û sûd gehandin û nirxdayîna wê hunerê giring e, herwaha armanca me ye ku em vê festîvalê bikin navnetewî.’’

Festîval demjimêr 16:00ê êvara roja 22.10.2018ê li parka Şanedar dê birêve biçe û biryare du rojan berdewam bike. Herwaha baskê Hewlêrê yê sendikaya hunermendên Kurdistanê birêve dibe.

Basnews