Li Venezuela aliyên siyasî yên dijbere û beşek ji bikarhênerên medya civakî nerazîbûna xwe li hemberî serokî wî welatî Nicolas Maduro nîşan dan ku di demekê de krîz li Venezuela heye, wî li Stenbolê di restoranta luks Nusr-Et de xwarin xwariye.



Serokê Venezuelayê Nicolas Maduro piştî serdana xwe ya Çînê ligel malbata xwe çûye Stenbolê. Maduro li yek ji restorantên herî biha Nusr-Et ligel hevjîna xwe Cilia goşt xwarin.



Xwediyê restorantş Nusret Gokçe ye ku bi şêweyên cuda yên çêkirina goştî bûye fenomen û kurdekî Bakurê Kurdistanê ye.



Nusret Gokçe dîmenên ligel Maduro tomarkirin li ser medya civakî belav kirin. Di dîmenan de xuya dibe ku Gokçe xwarinş pêşkeşî Maduro û hevjîna Cilia dike.



Maduro ji televîzyona fermi ya welatê re piştrast kir ku wî li restoranta navborî xwarin xwariye û got: “Nusret bixwe hat cem me û bi me re eleqeder bû û sohbet kir. Me demeke xweş derbas kir. Wî çend caran ji min re got ew gelek ji Venezuela hez dike.



Lê ev helwesta Maduro ji aliyê dijbereya welatê wî û eşek ji bikarhênerên medya civakîve rastî bertekan hat û dibêjin ev yek dide xuyakirin ku Maduro dûrî rastiyên welatê xwe ye.



Ev yek di demekê de ye ku li Venezuelayê krîzên siyasî, aborî û xurekê berdewam in û her diçe rewşa mirovî li wî welatî xirabtir dibe. Hejmareke zêde ya akinciyênVenezuelayê ji bo debara jiyanê welatê xwe bicîh hiştine û hêviya wan bi wê yekê heye ku bikaribin li derveyî welatê xwe bi kêmanî xurak û derman bidest bixin.



Ji sala 2015an ve zêdeyî yek milyon kes ji niştecihên Vanezuelayê ew welat bicîh hiştine û hevdem roj bi roj ev hejmar zêdetir dibe. Sedem jî ew e ku qeyran kûr bûne û şiyana hikûmetê jî nîne xurek û derman ji bo xelkê peyda bike.



Maduro piştî mirina serokê berê, Hugo Chávez, di hilbijartineke pirr-gengeşe de wekî namzedê Partiya Hevgirtî ya Sosyalîst bi seda 50ê dengan postê serokatiyê bidest xist. Ew berê cîgirê Chávez bû.


Rudaw