Du jinên Brîtanî ku bo geştyariyê serdana bajarê Eqser ê Misrê kiribûn, hez ji wî bajarî kirin û biryar dan ku li wir bijîn. Niha ew herdu jin Barbara Clarke û Theresa Clarke di mala xwe de 51 pisîkan xwedî dikin û bûne ji wan kesên kêm ku pisîkan rizgar dikin.



Herçende plana herdu xwişkên hev Barbara Clarke û Theresa Clarke ne ew bû ku pisîkan rizgar bikin lê dibêjin pisîk wek zarokan e û daxwaz dikin ku mirov bi nermî serderiyê ligel hemû ajelan bikin.



Herdu xwişk piştî wek geştyar serdana bajarê Eqser dikin, dilê wan dikevin wî bajarî û niha li wir dijîn. Herdû jinan mala xwe kirine behiştek bo pisîkan. Niha ew di mal de nêzîka 51 pisîkên spî, reş, mezin û biçûk xwedî dikin. Ji ber vê yekê hemareke zêde ya xelkê serdana mala wan dikin. Ligel ku niha mala wan tije pisîk e lê dixwazin hejmareke zêdetir a pisîkan xwedî bikin.



Derbarê xwedîkirina pisîkan de Barbara Clarke wiha dibêje: "Plana me ne rizgarkirina pisîkan bû, lê ew hatin ba me. Wek yekem pisîk, Nanuk, dema min li hotêlekê kar dikir û ez li cihê pêşwaziyê rûniştibûm, pisîk hat cem min û li ser lingê min rûnişt, çîroka anîna pisîka yekem wiha destpê kir."



Ligel mesrefa zêde ya 51 pisîkan lê ew xwarinên wek makerêl, birinc, mirîşk, kezeb û şîr bo wan dikirin. Ew herdû xwîşk daxwazê ji xelkê dikin ku bi nermî û dilfirehî ligel hemû ajelan tevbigerin.



Theresa Clarke jî got: “Eger me kesek li cadeyê dît bi taybetî ewên ku kar bi ajelan dikin, dema em bibînin ku xwediyên wan li wan dixin, em bangî wan dikin û dibêjin: Xwedê te dibîne.”



Herdû jinên Brîtanî Theresa û Barbara niha bûne nêzîktirîn û baştirîn heval bo pisîkên bajarê Eqser ê Misrê.

Rudaw