Eger hest pê dikî, ku heza te ya seksî kêm bûye, kar pir hêsan e. Tenê xwarina çend fêkî û xurekekî, dikarî heza seksî zêde bikî.” Ev gotinên pizîşkekî amerîkî ne, ku li ser zêdekirina heza seksî bi rêyên sirûştî, pirtûkek nivîsandiye.



Li gorî raporekî New York Postê, Dr. Lewrî Stillmis di pirtûka xwe ya bi navê “Great Sex, Naturally” de behsa hezekî sirûştî ya baş a seksî dike û dibêje, hinek xwarin bandorê li hormonên laşê mirovan dikin û heza seksî zêde dikin.



Dr. Lewrî Stillmis diyar dike, hinek xwarin hene, ku him ji bo gihitşina orgazmê û him jî ji bo zêdekirina hez û daxwaza seksî sûdê didin mirovan.



Ew xwarinên ku bi awayekî sirûştî heza seksî zêde dikin ev in:



1- Hinar:



Dr. Lewrî Stillmis dibêje, “Eger dermanê vîagra fêkî baya, bê guman ew hinar dibû.” Çimkî hinar piştgiriyê dide boriyên xwînê û gera xwînê ya di laşê mirovan de leztir dike. Bi vî awayî xwîn zêdetir diçe endamên zawzêya jinan û zilaman, dihêle zûtir bigihin orgazmê.



２- Qernabît an ku gulkelem:



Nivîskarê pirtûka “Rêyên sirûştî yên seksê” eşkere dike, ku di nava qernebît an ku gulkelemê de rêjeyeke zêde ya proteîna "indole-3-carbinol" heye, ku alîkariyê dide kêmkirin û rêkxistina rêjeya hormona îstrojenê. Îstrrojena zêde di dema seksê de jin û zilaman bêzar dike û diwestîne. Lê hebûna astekî guncayî ya hormona îstrojenê jî dihêle heza seksî jî zêde bibe.



３- Tovên kulindê

Dr. Lewrî Stillmis dibêje: “Dibe tovên kulindê ne beşeke sereke ya xwerina mirovan a serekî nebe lê divê mirov bizane ku di nava van tovikan de rêjeyeke baş e "L-triyptophan" heye. Ev protein jî di rekûpêkkirina hormona sîrotonîn de roleke giring dilîze, ku ev hormone di rêkxistina tenduristiya seksî û zêdekirina hezê de rol dilîze.



４- Tûdirik an jî dirîreşk



Dirîreşk an jî tûdirik xwediyê rêjeyekî baş ê şekirê "D-mannose" de, ku dîwara boriyên xweînê yên endamên zawzê (endamên rêgezî) yên mirovan bihêz dike. Hevdem nahêle hemû endamên mîzildanka mirovan edab û îltîhabê bigre, ku yek ji pirsgirêka serekî ya heza seksî dişkîne ev nexweşî ye.



５- Çîkolata



Çîkolata an jî çoklet mîzaca mirovan rêkdixe û arezû û heza seksî zêde dike. Dr. Lewrî Stillmis diyar dike, di nava çîkolatê de madeya kîmyayî ya "phenethiylamine" heye û di dema xoşdivîtî û evîndariyê de laşê mirovan dide der. Ev made metirsiya xemokîbûnê kêm dike, herwiha mêjî di dema gihiştina orgazmê de vê yekê bikartîne.

Rudaw