Werzîşvanê zaranbazî (gureş) yê kurd Sebah Şerîetî, dê bi navê hilbijardeya Azerbaycanê beşdarê şampiyoniya zoranbazî ya cîhanê ya Fransayê bike.

Biryare di navbera 21 û 26ê Tebaxê de li Fransayê şampiyoniya zoranbazî ya cîhanê birêve biçe.

Werzîşvanê kurd Sebah Şerîetî di vê derbarê de ji Rûdawê re ragihand: “Ezê li gel hilbijardeya Azerbaycanê herim Parîsê da ku beşdarî şampiyoniya cîhanê bibim.”

Şerîetî got: “Ev demeke dirêj e li gel hilbijardeya xwe em amadekariyan dikin. Ez bawer dikim, ku em ê gelek madalyayan bidest bixin.”

Sebah Şerîetî par beşdarî olîmpiyatên Rio ya Brezîlyayê (Rio 2016) bû, di wezna 130 kg de û di nava 19 werzişvanan de, karî pileya sêyem bi dest bixe û medala bronzê werbigire.

Werizşvanê kurd xelkê bajarê Sine ya Rojhilatê Kurdistanê ye, 27 salî ye û zêdetir ji 10 salan e werzişa zoranbaziyê dike.

Sebah Şerîetî ev çend sal in bi tevê malabata xwe li Azerbaycanê dijî û weke yarîzanê tîma wî welatî beşdarî pêşbirkan dibe.

rudaw