Şaciwana Zanîngehên Silêmaniyê hate hilbijartin
Şeva Şemiyê 06-05-2017, li bajarê Silêmaniyê ji bo hilbijartina Şaciwana Zanîngeha û Peymangehên Silêmaniyê merasîmek hate sazkirin.
Ji bo vê pêşbirkê 4 xwendekaran xwe weke namzet destnîşan kiribû. Piştî nimayîş û axaftinan, xwendevana qonaxa 4emîn a Koleja Bazirganî ya Zanîngeha Silêmaniyê Şinirwê Selîm, ji aliyê desteya dadweran ve weke şaciwan hate hilbijartin û taca şaciwaniyê wergirt.
Şaciwan Şinirwê Selîm ji Rûdawê re ragihand, ku dê piştî hefteyekê dest bi projeyên xwe bike û karê wê yê yekemîn jî ji bo alîkariya zarokên li kolanan û yên parsekiyê dikin, ragihandina helmetekê be.
Rudaw
