Tê pêşbînîkirin ku îsal li herêma Sine ya Rojhilatê Kurdistanê 17 hezar ton gûz were berhemanîn.

Her sal bi hezaran ton gûz li bajarên Sine, Merîwan, Serwava û deverên din ên eyaleta Sine ya Rojhilatê Kurdistanê tê berhemanîn.

Rêveberê giştî yê bax û rezên eyaleta Sine, Erdeşîr Pûrhebîbî ragihand, tê pêşbînîkirîn îsal li herêma Sine 17 hezar ton gûz bidest bikeve.

Erdeşîr Pûrhebîbî diyar kir ku li herêma Sine, 7 hezar û 573 hiktar darên gûzan heye lê tenê ji 3 hezar û 268 hiktaran gûz tê hasilkirin, yên din ji ber sermaya biharê ziyan dîtine.

Li gorî wî rayedarê eyaleta Sine, rêjeya hasila gûzê îsal ê Sine li gorî par nêzîkî 2 beramber zêde bûye çimkî par nêzîkî 9 hezar ton gûz berhem hatibû.

rudaw