Fîlmekî derhênerê kurd Kameran Batasî beşdariyê di Festîvala Sînemayî ya Dubaîyê de dike, ku ew fîlmekî hevbeş e, di navbera wî bajêrî û Kurdistanê de.

Batasî derbarê vê yekê ji Rûdawê re ragihand: “Şeva Dirêj navnîşana vî fîlmî ye, ku ji berhemhênana Rêveberiya Sînemaya Duhok û Dubeyê ye û ji derhênan û sînaryoya min e. Her yek ji Rûgeş û Ravo Şerîf rola sereke di fîlm de dibînin.”

Kameran Batasî çîroka vê fîlmê eşkere kir û got: “Di 14 xulekan de ev fîlm behsa çîroka jina pêşmergeyekî dike ku sala 1977ê li Îranê dibe penaber. Çîrok behsa bela û êşa jinên pêşmergeyan dike, dema mêrên wan diçine eniyên şer û ew jî bi xwedîkirina zarokên xwe mijûl dibin.”

Ev fîlm hatiye vexwendin bo Festîvala Sînemayî ya Dubaîyê ku biryar e di nîva meha bê de, bê lidarxistin.

Rudaw