ئەگەر ئەم خاندنەکێ بکەین بۆ پێکئینانا حکومەتا نوی یا هەرێما کوردستانێ ئەوا هەڵبژاردن بۆ هاتینە کرن ل 20ــێ ئوکتۆبەرێ، ل وی دەمیدا کو ئەنجامێن فەرمی هاتینە ڕاگەهاندن و هەر لایەنەک ژی ل دویڤ حجم و قەبارێ خۆ کورسی ب دەست خۆ ڤە ئانینە و مە چ گومان و شک ل سەر وان ئەنجامان نینە و دیسا ئەو ژی لایەن بخو دێ دیڤ یاسا و دەستووری تەعاملێ دگەل کەت.
لێ یا مە دڤێت و زێدەتر ل سەر ڕاوەستاندنەکێ بۆ بکەین و، بدەینە دیارەکرن ئەوە کو نە ئەنجامن بەڵکو ئەوە کو ل سەر دروستبوونا کابینا دەهێ یە، ئەو ژی دوو بژاڕدە دهێنە پێش و پێدڤییە ژی ئەو دوویە ب هۆیڕی خاندنەک بۆ بێتە کرن.
ئەوا مە دڤێت زێدەتر ل سەر ڕاوەستین ئەوە، کو بەریا چەندەکێ و چەندین جارا ژی پارتی دیموکراتی کوردستان، ل سەر ئاستێ باڵا و بلند و ب سەر پەرشتیا سەرۆک بارزانی، کۆمبین کرینە و لژنەک ژی ئامادەکریە و سەرا لایەنان بدەن و کو ب وانا گوتییە ژی کو چ دەرگەه و بۆ چ لایەنان ژی گرتینینە و چ هێلا ناڤبەرا پارتی و لایەنا دا نینە، ئەڤە ژی وێ چەندێ دگەهینیت کو پارتی، ب مەرەما پێکئینانا کابینا نوی، ئەو ژی برگە و شریکی سەرەکی بۆ پارتی وەک ئیکەتی یە و چەندین جارە ژی سەرەدان و دان و ستاندن کرینە دگەل هەڤدو، ئەڤە ژی وەکی یا دیار کو پتریا مادە و برگە ژی هاتینە بەحسکرن و بەرەڤ داویی چووینە.
بەلێ لێرە دا ئەوە کو مە حکومەتەکا "بلەز یان باش" دڤێت و هەبیت، ئەڤ دوویە ژی د نوکە دا پێدڤینە کو یا بلەز، ئەوە کو جیهان و نەخاسمە سووریا و ئەمریکا ... ئەڤە د گوهۆڕینی دانە و پێدڤییە ژی بهێتە پێکئینان و لەز دێ کەڤیتە بەر بەرپرس و لایەنێن سەرەکی ژی ل هەرێمێ بۆ پێکئینانا حکومەتێ و دیسان بیرنەکەین کو دڤێت هزر هندێ دا بکەین کو ئەڤ حکومەتا ژی یا باش بیت ئەوە کو د بەرژەوەندیا گەل و وەلاتی دا بیت و د پاراستنا قەوارەیا هەرێما کوردستانێدا بیت بۆ هندێ بکارن بڕگە و مادەیین دەستووری و یاسایی چ ناڤخو بیت یان دەرڤە بیت بۆ هندێ بەرگڕیێ وەلات و وەلاتیێن خوو بکەت.
لێ هــــەردەما ئەڤ کابینە و حکومەتە ژی ب سەرپەرشتیا سەرۆک بارزانی بیت، بێگۆمان دێ یا سەرکەفتی بیت و هــــەردەم ژی ئەڤ حکومەتا دێ خزمەتا خزمەتگۆزارییان دابیت و چونکی سەرۆک بارزانی، د هەڵبژاردانان دا ژی تاکید ل هندێ کریە کو (ئێک پەرلەمان، حکومەت و هێزا پێشمەرگەهی)ی هەبیت.
کابینا بۆری ژی بیرنەکەین کو ب سەرپەرشتیا سەرۆکێ هەرێما کورستانێ و حکومەتی ژی چ ل سەر خۆ نەهێلایە وەک خزمەت دگەل وان ئاستەنگ و نەخاسمە ژ وان کاودانان و قەیرانان ژی بەلێ هەر خزمەتا خەلکی کریە و خزمەت و کاروان یێ ئاڤــــەدانیێ ژی بــــــەردەوامە.