ڕووپێوی جیۆلۆجی ویلایەتە یەکگرتووەکانی ئەمریکا ڕایگەیاندووە، بوومەلەرزەیەک بە گوڕی ٧.٦ پلە لە دەریای کاریبی ڕوویدا و هۆشداریی تسونامی بۆ پورتوگال و دوورگەکانی ڤێرجین دەرچووە.

لێکۆڵینەوەی جیۆلۆجی ویلایەتە یەکگرتووەکانی ئەمەریکا لە باکووری هندۆراس بوومەلەرزەیەکی بە گوڕی 7.6 پلە بڵاوکردەوە و ڕایگەیاند، ڕۆژی شەممە بوومەلەرزەیەک بە گوڕی 7.6 پلە دەریای کاریبی هەژاند.

هاوکات هۆشداریی تسونامی بۆ پورتوگال و دوورگەکانی ڤێرجینیش دوای بوومەلەرزەکە دەرچووە.

کەناڵی سی ئێن ئێن بڵاویکردەوە، بوومەلەرزەکە لە قوڵایی ١٠ کیلۆمەتر ڕوویداوە.

لە ڕاپۆرتەکەدا هاتووە کە دوای ئەم بوومەلەرزەیە هۆشداری تسونامی بۆ کەنارەکانی کاریبی و ناوچەکانی باکووری هندۆراس دەرچووە.

ناوەندی نیشتمانیی ئاگادارکردنەوەی تسونامی ئەمریکا ڕایگەیاند، کە ئەم مەترسییە بۆ کەناراوەکانی زەریای ئەتڵەسی و کەنداوی مەکسیک چاوەڕوان ناکرێت.

بەڵام سەنتەرەکە ئاماژەی بەوە کردووە کە هۆشداری بۆ پورتوگال و دوورگەکانی ڤێرجین دەرچووە.

 

 

 

گوڵان: سەردار خەلیل