ئازەربایجان بە فەرمانی سەرۆک کۆماری ئەو وڵاتە، بارێکی کەلوپەلی کارەبایی بە بەهای یەک ملیۆن دۆلار ڕەوانەی ئۆکرانیا کردووە.

وەزارەتی وزەی ئازەربایجان لە بەیاننامەیەکدا ڕایگەیاند: کە بارێکی هاوکاری مرۆیی لەسەر فەرمانی سەرۆکی ئەو وڵاتە ئیلهام عەلیێڤ ڕەوانەی ئۆکرانیا کرا.

ئەم بارە ئامێری کارەبایی لەخۆدەگرێت، لەنێویاندا کێبڵی کارەبا و محاویلە، کە بەهای یەک ملیۆن دۆلارە، لەلایەن کۆمپانیای پارکی تەکنەلۆجیای سومقاییتی ئازەربایجانەوە دابینکراوە.

بەگوێرەی ڕاگەیاندراوەکە، ئەو ئامێرانە بۆ ڕێکخستن و بنیاتنانەوەی ژێرخانی کارەبایی لە ناوچە جەنگاوییەکانی ئۆکرانیا بەکاردەهێنرێن.

ئازەربایجان لە سەرەتای دەستپێکردنی شەڕی ئۆکرانیاوە زیاتر لە 40 ملیۆن دۆلار یارمەتی مرۆیی پێشکەش بە ئۆکرانیا کردووە و ئامانجی پشتیوانیکردنی گەلی ئۆکرانیایە.

 

 

 

گوڵان: سەردار خەلیل