خانەكانی یادەوەریی سۆزداری كە هاوسۆزی بەڕێوە دەبەن، دۆزرانەوە، كە میكانیزمێكی دیاریكراوی مێشك چۆنیەتیی وەڵامدانەوەی ئاژەڵان بۆ هەستی ئەوانی دیكە ڕێك دەخات. توێژەران میكانیزمێكی مێشكیان لە بەشی پێشەوەی توێكڵی مێشك -prefrontal cortex، دۆزیوەتەوە كە كاردانەوەی هاوسۆزی لە ئاژەڵاندا ڕێك دەخات. دەمارخانە بەرهەمهێنەرەكان CRF لە توێكڵی پێشەوەی مێشكدا وەڵامی هاوسۆزی ڕێك دەخەن لەسەر بنەمای ئەزموونی ڕابردوو، ئەم دەمارانە كە هۆكاری -corticotropin-releasing factor CRF بەرهەم دەهێنن، وەك یادەوەریی سۆزداری كار دەكەن و فشاری ڕابردوو، یان تراوما بە كاردانەوە كۆمەڵایەتییەكانەوە دەبەستنەوە، لە توێژینەوەكەدا ئەوە نیشان دراوە كە ئاژەڵەكان تەنیا كاتێك وەڵامی هاوسۆزی دەدەنەوە كە ئەزموونی ڕابردوویان لەگەڵ دۆخی سۆزداریی ئەوانی دیكەدا بگونجێت و ڕەنگدانەوەی ئەزموونەكانی پێشوویان بێت. تێگەیشتن لەم میكانیزمانە لەوانەیە یارمەتیدەر بێت لە پەرەپێدانی چارەسەری نەخۆشییە دەروونییەكانی وەك PTSD، ئۆتیزم و شیزۆفرینیا لەگەڵ لاوازیی هاوسۆزی.