ئێسكەكان ڕۆڵی گرنگیان لە لەشدا هەیە بۆ پاراستنی شێوەی لەش، ڕاگرتنی پەیكەرە ماسوولكەكان، خەزنكردنی كانزای كالسیۆم، هەروەها پاراستنی ئەندامەكانی وەكو مێشك، دڵ، سییەكان. هەنگاوەكانی پاراستنی تەندروستیی ئێسك: كۆنتڕۆڵكردنی كێشی لەش، چونكە زیادبوون و كەمبوونی كێشی لەش هەردووكیان ئێسك لاواز دەكەن، ئەنجامدانی مەشقی وەرزشی، وەك: پیادەڕۆیی، ڕاكردن، هەڵگرتنی قوڕسایی كە ڕۆڵیان هەیە بۆ بەهێزكردنی ماسوولكە و ئێسكەكان، كەمكردنەوە یان وازهێنان لە جگەرەكێشان لەو كاتەی كە جگەرە ئەگەری تووشبوون بە لاوازبوون و پووكانەوەی ئێسك Osteoporosis بەرز دەكاتەوە، دووركەوتنەوە لە خواردنەوە ئەلكهولییەكان، دابینكردنی بڕی تەواوی ڤیتامین D بە خۆدانە بەر تیشكی خۆر لەگەڵ ئەنجامدانی پشكنینی خوێن بۆ زانینی ڕێژەی ئەم ڤیتامینە لە لەشدا و بەكارهێنانی ڤیتامین D3 بە ڕێنمایی دكتۆر، ئەگەر پێویست بكات، هەروەها پابەندبوون بە خۆراكێكی تەندروست كە بڕی پێویست لە ماددە خۆراكییە پێویستەكان لەخۆ بگرێت، بەتایبەتی كانزای كالسیۆم وەك: شیر، پەنیر، ماست، باوی.