چ شک تێدا نینە کو بۆ دیتنەڤەکا دەمی بۆ کار کردن و بکارئینان ئامێرێن تەکنەلۆژیایێ بۆ ھندی دەمەک خۆ بۆرینیت لێ دڤێت ل وی دەمیدا بیت کو وەخت ھەبیت و چ وەختێ خوە یێ خاندنێ یان ژی دیتر نەبۆرینیت بێ مفا.
دبیت ئەڤ چەندە ژی ببیتە ئێک ژ ئەگەرێن دەستدانا ژیانا مرۆڤی یان ژی ببیە ئێک ژ کەساتیێن زەنگین د وارێ تەکنەلۆژیایێدا، بەلێ دڤێت و بزانین تایبەت زارۆک بیت و دەمێ خواندنێ دا ئەو دەم یێ گرنگە و کو نەگەهشت بیتە ژییەکێ کو جوداهییا تشتان بکەن ئەو چەندە بۆ وی زۆر خراب بیت.
ژ بەرهندێ گرنگە دڤێت هۆشیاری زارۆکی هەردەم بهێتە کرن.

بکارئینانا تەکنەلۆژیایێ ژی ئێکە ژ ئەگەرێن سەرەکی کو دبنە بنەمایێن فێرکرن و زانینێ یان ژی ھەر ئەگەرەک دیتر بۆ ھندێ کو پەیداکرنا بازاڕەکێ بۆ ھندێ داھاتییا خۆ دا ببیتە خودان کارەک بۆ ژیانا خۆ و پەیداکرنا دەلیڤا کاری بەرامبەر بکارئینانا وان ئامێرێن تەکنەلۆژیایێ بۆ ھندێ دڤێت ئەڤ سەردەمه‌ نەھێتە بیرکرن و سەردەم سەردەمێ زانستێ و تەکنەلۆژیایێ یە و بۆ ھندێ دڤێت ئەم خۆ دوویر نەکەین ژ ڤانە.

بەلێ ئەڤە وێ یەکێ ناگەھینیت کو ئەم ڤێ زانستی ھەلبژێرین و ببیتە ئەگەرێ تێکدانا سیستەمێ خاندنا مە بۆ ھندێ دڤێت مە ھۆشیاریەک ھەبیت بۆ ھندێ کو زۆر جاران ل سیمنار و ناڤەندێن خاندنێ و ھەتا مال ژی دھێتە گۆتن کو بوویە کارتێکرن ل سەر خاندنا قوتابیان.

بکارئینانا ئامێرێن تەکنەلۆژیایێ و کارتێکرن لسەر مێشکی قوتابی دهێته‌ كرن.

زۆریا بکارئینان و نەزانینا دەمێ خۆ کو پتریا دەمێن خو بۆ بۆراندنا ڤان ئامێرانە بکاربینیت ئەڤە دبیتە ئەگەرێ ھندێ کو کارتێکرن ل خاندنا ڤی قوتابی بکەت، ژبلی کو دبیتە ئەگەرێ مەترسیا بەردەوام ب کارئینانا وی لسەر ساخلەمییا وی ژبەرھندێ دڤێت ئەڤە ژی سنوورێن خۆ ھەبیت و نەبیتە ئێک ژ کارێن وی یێن ڕۆژێ و خاندنا خۆ بھێلیت و دبینی داوی ھەتا ژبلی سەرنەکەفتنێ کو دبیتە ئەگەرێ ھندێ ھەتا زۆر جاران مە دیتيە و گوھ لێ بوویە ژی ھەر خاندن ھێلایە و مایی بێکار و بێ خاندن ژی .

ئەو کارئینان و زانینا وی ئێکە ژ ئەگەرێن سەرەکی بۆ زێدەتر بدەستڤه‌ئینان دەلیڤێن کاری ئەگەر راستی و دروستی بچیتە ناڤ پرۆگرامێن وێ یێن گرنگ و خاندنا خوە ژی دەست نەدەت بۆ ھندی کو زانستێ کومپیوتەرێ نوکە زۆر گرنگە و پێدڤی یە ژی.

فێرکرن ژی بێ تەکنەلۆژیایێ سەرکەفتی نابیت ژبەرھندێ دڤێت پتر بچنە ناڤدا و کارئینانا وێ ژی زۆرا گرنگە بەلێ نەبیته ئەگەرێ کارتێکرنەکا ئەرینی لسەر خاندن و نڤیسینا قوتابی و کاروبارێن مە یێن ڕۆژێ ژی بەڕۆڤاژی ببیتە ئەگەرێ ھندێ کو جھێ مفای بیت بۆ مە و زارۆکان ژی و ھەتا کاروبارێن مە ژی بێ شاشی و ب ئاسانکاری ڕێڤە بچن.

*سه‌رنڤیسه‌رێ ده‌زگه‌هێ میدیایی زێ بادینان – هه‌ولێر.