ژمارەی قوربانیانی لافاو لە ئیسپانیا بۆ زیاتر لە ٢٠٠ کەس بەرزبووەوە
کارەساتی لافاوی کوشندە لە ناوچە بەرفراوانەکانی ڕۆژهەڵات و باشووری ئیسپانیا، بەتایبەتی لە پارێزگای ڤالێنسیا، ئەم وڵاتەی لە دۆخێکی سەختدا هێشتۆتەوە.
بە وتەی یەکێک لە فەرماندەکانی پاسەوانی شارستانی ئیسپانیا، دۆزینەوەی تەرمی ئەو کەسانەی لە ناوچە لافاواوییەکاندا گیانیان لەدەستداوە بەردەوامە، باس لەوە کراوە کە ژمارەی قوربانیان گەیشتووەتە ٢١٤ کەس و تا ئێستا ئۆپەراسیۆنی فریاگوزاری لە ناوچە لافاواویەکاندا بەردەوامە.
بەپێی ڕاپۆرتێکی کەشناسی، لە هەندێک ناوچەی دوورگەی مایورکا، لە هەر مەترێكی چوارگۆشەدا زیاتر لە 100 لیتر باران باریوە، هەروەها حکومەتی ناوخۆیی ئەم ناوچەیە پێشنیاری کردووە خۆیان لە هەر چالاکیەکی دەرەوە بپارێزن.
گوڵان: سەردار خەلیل
