لە کاتژمێرەکانی سەرەتای ڕۆژی شەممە 26ی ئۆکتۆبەر فڕۆكە جەنگییەكانی هێزی ئاسمانی ئیسرائیل دەیان شوێنی ستراتژیکیان لە ئێران کردە ئامانج.

ئەم هێرشانە زیاتر لەسەر دامەزراوە سەربازییە ناوەندییەکانی پیشەسازی بەرگرییە و بریتین لە کارگەی مووشەک، دامەزراوەی بەرهەمهێنانی فڕۆکەی بێفڕۆکەوان و بنکەی هەڵدانی مووشەکی بالیستی ئەم ئامانجانە بەشێکن لە ناوەڕۆکی پیشەسازی چەکی کۆماری ئیسلامی ئێران و ئەم چالاکییە بەشێکە لە پلانێکی فراوانتر کە ئیسرائیل دەبێت مامەڵە لەگەڵ بکات هەڕەشە بەردەوامەکانی کۆماری ئیسلامی و لاوازبوونی دەسەڵاتی سەربازیی لە ناوچەکەدا دوابەدوای هێرشەکانی ئیسرائیل بۆ سەر ئامانجە سەربازییەکان لە کۆماری ئیسلامی، کاتژمێر ٤ی بەیانی ژمارەیەک هاووڵاتیی تاران هاتن بۆ شەقامەکان و ڕیزێکی درێژ و قەرەباڵغیەكی لە بەنزینخانەکان لە سەرتاسەری شارەکەدا دروستکرد، ئەم گردبوونەوە و هێرشانە بۆ سەر بەنزینخانەکان  نیگەرانی خەڵک لە ئەگەری دۆخی دابینکردنی سووتەمەنی و ئەگەری دەرئەنجامەکانی ئەم هێرشانە بۆ سەر بارودۆخی ڕۆژانە نیشان دەدات وردەکاری زیاتر دەربارەی جۆری... ئەم چەکدارانە و ئامانجی وردی هێرشەکان تا ئێستا بڵاونەکراونەتەوە.

 

 

 

گوڵان: سەردار خەلیل