پرسیارە جەوهەریەکە مانشێتی سەرەوە نیە، بەڵکو ئەو گرنگە بپرسین بۆچی پارتی هەڵنەبژێرین؟! وڵامدانەوەکە بۆ مرۆڤی خاوەن ویژدان ئەوەیە، جگەلە پارتی دیموکراتی کوردستان هیچ هێزێکی دیکە هێڵە گشتیەکان ناپارێزێت و ئەوە تەنها خۆی خاوەنداریەتی پرسی نەتەوەیی دەکات لەلایەکی دیکەشەوە لای پارتی نیشتمان هوتێل نییە ئەگەر خزمەتگوزاری نەما جانتاکەی هەڵگرێت و بڕوات، چونکە لە دیدی پارتی دیموکراتی کوردستان خزمەتکردنی هاونیشتمانیان و پاراستنی خاکی پیرۆزی کوردستان ئەرکە و شەرەفێکە بەکردەیی کاری بۆکردووە، بێگومان ئەوەش شایەنی هەموو هێزێکی سیاسی نییە.

لە سۆنگەی پارتی حوکمڕانی چاک پێشینەیە و بەرهەمەکەی شیرینه هەر بۆیە خراپەکاران و تێکدەر و سەرپێچیکاران بە بیستنی ناوی پارتی و ڕێبازی پیرۆزی بارزانی ڕۆحیان دەکەوێت و چاویان تار و مار دەبێت.
پارتی تێکۆشەر و خەمخۆرانی ڕێگای هەقیقەت دەخاتە جێگای پێزانین.

کوردستانیان ئەوە پارتییە شەهیدان بە هێمای ڕزگاری دەزانێت و پێشمەرگە بەپیرۆز ناوزەند دەکات.
لە فکری پارتی ووڵات یەکپارچەیە و خەونی ڕاگەیاندنی کوردستانی سەربەخۆ دەکاتە واقیع و لە پەیرە و پرۆگرامی خۆی جێگای کردۆتەوە و بەکرداریش هەوڵی جێبەجێکردنی داوە.
فکری پارتی فکرێکی بابەتیە و دوور لە کەسێیەتی لایەنەکان هەڵسەنگاندن دەکات هەر بۆیە بە چەشنی دار بەڕوو تەمەنی باڵایە.
پارتی دۆستەکانی ئازدیخوازن و دوژمنەکانیشی دوژمنی ئازادین!
ئەرێ گەڵۆ، ئەرێ گەنجان و لاوان ئەرێ تەواوی چین و توێژەکانی کوردستانی شیرین هەموو ئەوانەی سەرەوە لە دەریایی حەقیقەتی پارتی دیموکراتی کوردستان بوونیان نییە بێگومان بەڵی هەن و زیاتر لەوەی باسکراوە، چما ناحەقیە بڵێن بۆچی پارتی هەڵنەبژێرین، ئەگەر کەس و لایەنی دیکە هەن ئەی بۆچی دروشمەکانیان، کردارەکانیان و هەنگاوەکانیان تەنیا بێ هیوایی و تێکدانە لە بڕی بونیادنان و پاڕاستنی دەستکەواتەکان زیاتر گەشانەوەی کوردستان؟!