وەزارەتی تەندروستی فەلەستین لە غەززە دوایین ئاماری قوربانیانی پەلاماری ٣٤١ ڕۆژەی هێزەكانی ئیسرائیلی بە ٤١ هەزار و ٨٤ کەس ڕاگەیاند.

وەزارەتی تەندروستی فەلەستین لە کەرتی غەززە بە بڵاوکردنەوەی بەیاننامەیەک ڕایگەیاند: کە لە ماوەی ٢٤ کاتژمێری ڕابردوودا ٦٤ فەلەستینی کوژراون و ١٠٤ کەسی دیکەش بریندار بوون.

بەپێی ئەم بەیاننامەیه ، ژمارەی قوربانیانی هێرشەکانی ئیسرائیل که بۆ ماوه ی 341 ڕۆژه لە غەززه بەردەوامە، گەیشته 41 هەزار و 84 کەس و ژمارەی بریندارەکان بۆ 95 هەزار و 29 کەس زیادی کردووه .

هێزەکانی ئیسرائیل لە ماوەی ٢٤ کاتژمێری ڕابردوودا ٤ کۆمەڵکوژییان ئەنجامداوە.

لەم بەیاننامەیەدا، بە ئاماژەدان بە بوونی تەرم لە ژێر داروپەردوو و لە پەراوێزی ڕێگاکان، ڕوون کراوەتەوە کە تیمە پزیشکییەکان و بەرپرسانی بەرگری شارستانی ناتوانن بگەنە تەرمەکان بەهۆی ڕێگریی هێزەکانی ئیسرائیلەوە.

 

 

 

گوڵان: سەردار خەلیل