دەسەڵاتدارانی ئەمریکا و ڕووسیا هاووڵاتییانیان لە گەشتکردن بۆ لوبنان ئاگادار کردەوە.

لە بەیاننامەیەکدا باڵیۆزخانەی ئەمریکا لە بەیروت داوای لە هاووڵاتیانی ئەمریکی کرد کە نیشتەجێی لوبنانن ، نەچنە باشووری لوبنان (سنوری ئیسرائیل)، هێڵی سنووری نێوان لوبنان و سوریا، یان کەمپەکانی پەنابەران.

لە ڕاگەیەندراوەکەدا هاتووە: كە ژینگەی ئەمنی ئاڵۆزە و دەتوانێت بە خێرایی لوبنان بگۆڕێت.

هەروەها ئەلێکساندەر ڕوداکۆڤ، باڵیۆزی ڕووسیا لە بەیروت لە گفتوگۆیەکدا لەگەڵ کەناڵی تەلەفزیۆنی "ڕووسیا ٢٤" ڕایگەیاند: باڵیۆزخانەکە ئامۆژگاری هاووڵاتیانی ڕووسیا دەکات کە ئەگەر بتوانن گەشتەکەیان بۆ لوبنان لە ئێستادا دوابخەن.

ئاماژەی بەوەشکرد، باڵیۆزخانەی ڕووسیا لە پەیوەندی بەردەوامدایە لەگەڵ هاووڵاتیانی ڕووسی نیشتەجێی لوبنان.

پێشتر مەقدۆنیا، کەنەدا، ئەڵمانیا و هۆڵەندا داوایان لە هاووڵاتیانیان کردبوو لوبنان بەجێبهێڵن.

لە ٢١ی حوزەیران، کوێت داوای لە هاووڵاتیانی خۆی کرد نەچنە لوبنان.

 

 

گوڵان: سەردار خەلیل