بەشی ڕۆشنبیری و ڕاگەیاندنی پارتی دیموكراتی كوردستان، بەبۆنەی (30)ـە یەمین ساڵیادی دەرچوونی گۆڤاری گوڵانەوە پەیامێكی ئاراستەی سەرنووسەر و سكرتێری نووسین و سەرجەم كارمەندانی كردووە، كە ئەمە دەقەكەیەتی.

 

پەیامی پیرۆزبایی بەشی ڕۆشنبیری و ڕاگەیاندنی پارتی دیموكراتی كوردستان

بەبۆنەی(30)ـەمین ساڵیادی دەرچوونی گۆڤاری(گوڵان)

 

هەڤاڵی بەڕێز فەرهاد محەمەد، سەرنووسەری گۆڤاری (گوڵان)

 هەڤاڵان، سكرتێری نووسین و ئەندامانی ستافی نووسین و هونەری و سەرجەم كارمەندانی گۆڤاری (گوڵان)

 بەبۆنەی ساڵڕۆژی دەرچوونی گۆڤاری (گوڵان) وێڕای پیرۆزباییمان دەستی كار و ئەرك و ماندووبوونتان دەگوشین، هیوادارین بۆ ساڵی داهاتوو لە هەموو بوارێكدا پێش بكەون و، وەك هەمیشە ڕۆڵی دیار و گرنگی خۆتان ببینن.

 گۆڤاری (گوڵان) خاوەن ئەزموونێكی ڕۆشن و بەرهەمدارە، بۆیە لەو تەمەنەی دەرچوونیدا بە پێی پلان و بەرنامەیەكی ڕێكوپێك سەركەوتوانە توانیویەتی جێگەی شایستەی خۆی لەسەر پانتایی كاری ڕۆژنامەگەریدا بگرێت.

 بە پەیڕەوكردنی بنەما و ڕێنماییە ڕاست و دروستەكانی ڕۆژنامەوانی، گۆڤاری (گوڵان) وەك خاوەن مۆركێكی ڕەسەن و ڕاستگۆیانە هەردەم نموونەی داهێنان و نوێبوونەوەیە لە ڕووی بڵاوكردنەوە و هەماهەنگی لەگەڵ ڕووداوەكانی ڕۆژانە و گرنگیدان بە پرسە نەتەوەیی و نیشتمانییەكان.

جارێكی دیكە بەبۆنەی (٣٠)ـەمین ساڵیادی دەرچوونی گۆڤاری (گوڵان) پشتیوانیی خۆمان بۆ بەردەوامبوون و زیاتر بەرەوپێشچوونی گۆڤارەكە دووپات دەكەینەوە...هەر سەركەوتوو بن.

 

بەشی ڕۆشنبیری و ڕاگەیاندنی پارتی دیموكراتی كوردستان

٢٢ی نیسانی ٢٠٢٤