ڕێکخراوی تەندروستی شیلی زیادبوونی ژمارەی گیانلەدەستدان بەهۆی ئاگرکەوتنەوە لە دارستانەکانی ئەم وڵاتە بۆ ١٣٢ کەس ڕاگەیاند.

ڕێکخراوی خزمەتگوزاری تەندروستی یاسایی شیلی ڕایگەیاند: کە ژمارەی گیانلەدەستدان بەهۆی ئاگرکەوتنەوەی بەرفراوانی دارستانەکانی شارەکانی ڤالپارایسۆ و ڤینا دێل مار گەیشتووەتە ١٣٢ کەس.

لەم بەیاننامەیەدا ڕاگەیەندرا کە هەوڵەکان بۆ کوژاندنەوەی ئاگرەکە لە ڕێگەی ئاسمانی و زەمینیەوە بەردەوامە. ناسنامەی 89 تەرم تەواو بووە و 64 تەرم ڕادەستی کەسوکاری قوربانییەکان کراون.

ڕۆدریگۆ مۆنداکا، پارێزگاری ڤالپارایسۆ، ڕایگەیاند: لەم ئاگرکەوتنەوەدا، ٤٣ هەزار هێکتار دارستان سووتاوە و بووەتە خۆڵەمێش و نزیکەی ١٥ هەزار خانوووێران بووە، ئێمە بە تەواوی دڵنیاین کە ئاگرەکە بە مەبەست بووە.

 

 

گوڵان: سەردار خەلیل