بەمەبەستی لە نزیکەوە ئاگاداری لە رەوشی قوتابیانی کورد لە وڵاتی میسر ئەمرۆ شێرکۆ حەبیب بەرپرسی مەکتەبی پارتی لە وڵاتی میسر سەردانی شاری ئەلئەسکەندەریەی کرد و چاوی بە کۆمەڵێک قوتابی کورد کەوت کە لە زانکۆی ئەو شارە درێژە بە خوێندن دەدەن
بەرپرسی مەکتەبی پارتی هیوای سەرکەوتنی بۆ خواستن و داوای لێکردن کەوا هەموو هەوڵەکانیان لە پێناو بەدەست هێنانی بروا نامەی باڵا بێت بۆ ئەوەی بتوانن خزمەتی گەل و نیشتمانیان بکەن، بەتایبەتی لە وڵاتێکی وەک میسر کەوا هەموو ئاسانکاری بۆ ئامادە کردون و رێز لە میللەتی کورد دەکرێت هەروەها بنەن بە باڵوێز بۆ نیشاندانی رووی راستەقینەی وڵاتەکەیان، لە تەوەرێکی دیکەی دیدارەکە بەپرسی مەکتەبی پارتی تشکی خستە سەر بارودۆخی ئەمرۆی کوردستان و بەتایبەتی پرۆسەی هەڵبژاردن کەوا ئەرکێکی نیشتمانییە بەشداریکردن و دەنگدان بەو لایانەی ویژدانیان ئاسودە دەبێت، هەروەها جەختی لەسەر کارە خزمەتگوزاریەکان و ئاوەدانی و ئارامی لە کوردستان کە بەرقەرارە لە سایەی کابیبەی نۆی حکومەتی کوردستان، هەروەها جەختی لەسەر ئەوە کرد کەوا کارنامەی پارتی دیموکراتی کوردستان بە پێچەوانەی سەرجەم لایەنەکانی دیکە روون و ئاشکرایە بۆ خزمەتکردنی زیاتری کوردستان
قوتابیان خۆشحاڵی خۆیان بۆ ئەو سەردانە دەربڕی و سوپاسی بەرپرسی مەکتەبی پارتیان کرد لە قاهیرە