ســـەرۆكی حكوومەتی هەرێمی كوردستان، پێشوازیی لە وەزیری بەرگریی توركیا كرد و چەند بابەتێكیان تاوتوێ كرد.
![ســـەرۆكی حكوومەتی هەرێمی كوردستان، پێشوازیی لە وەزیری بەرگریی توركیا كرد و چەند بابەتێكیان تاوتوێ كرد.](https://gulanmedia.com/public/images/posts/20240207140123_original_48.jpg )
ئەمڕۆ چوارشەممە 7/2/2024، مەسرور بارزانى، سهرۆكى حکوومەتی ههرێمى كوردستان، پێشوازيى له یاشار گولەر، وەزیری بەرگریى تورکیا کرد، لە کۆبوونەوەکەدا گفتوگۆ لەبارەی بارودۆخی گشتیی عێراق و پەرەپێدانی پەیوەندیى دوولایەنە کرا، جەخت لە گرنگیی بەردەوامبوونی هەماهەنگی و هاریکاریی هاوبەش لەپێناو ئاسایش و ئارامیی هەرێمی کوردستان و عێراق و ناوچەکە کرا.
وەزیری بەرگری تورکیا، پرسە و هاوخەمی بۆ گیانلەدەستدانی قوربانییانی هێرشەکەی هەولێر دەربڕی و ئاماژەی بەوە دا کە هێرشەکە هیچ پاساوێک هەڵناگرێت.
سەرۆکی حکوومەت خواستی هەرێمی کوردستانی بۆ برەودان بە پەیوەندیی دوولایەنە لەسەر بنەمای دراوسێتیی باش و بەرژەوەندیى هاوبەش دووپات کردەوە.
مەسرور بارزانی گوتیشی: "هەرێمی کوردستان وەک هەمیشە فاکتەرێکی ئاسایش و سەقامگیری دەبێت و ڕێگەش نادات ببێتە مایەی هەڕەشە و مەترسی بۆ دراوسێکانمان."
گرنگیی جێبەجێکردنی ڕێککەوتننامەی شنگال و ئاساییکردنەوەی دۆخی دەڤەرەکە و گەڕانەوەی ئاوارەکان بۆ شوێنەکانیان، تەوەرێکی دیکەی گفتوگۆکان بوو.
![ســـەرۆكی حكوومەتی هەرێمی كوردستان، پێشوازیی لە وەزیری بەرگریی توركیا كرد و چەند بابەتێكیان تاوتوێ كرد.](https://gulanmedia.com/public/images/posts/20240207140004_big_770x552_7.jpg )
![ســـەرۆكی حكوومەتی هەرێمی كوردستان، پێشوازیی لە وەزیری بەرگریی توركیا كرد و چەند بابەتێكیان تاوتوێ كرد.](https://gulanmedia.com/public/images/posts/20240207140034_big_770x552_16.jpg )
![ســـەرۆكی حكوومەتی هەرێمی كوردستان، پێشوازیی لە وەزیری بەرگریی توركیا كرد و چەند بابەتێكیان تاوتوێ كرد.](https://gulanmedia.com/public/images/posts/20240207135929_big_770x552_36.jpg )
![ســـەرۆكی حكوومەتی هەرێمی كوردستان، پێشوازیی لە وەزیری بەرگریی توركیا كرد و چەند بابەتێكیان تاوتوێ كرد.](https://gulanmedia.com/public/images/posts/20240207140212_big_770x552_8.jpg )