بەهۆی تەقینەوە لە کارگەیەکی یارییە ئاگرینەکان لە هیندستان ١١ کەس گیانیان لەدەستداوە
![بەهۆی تەقینەوە لە کارگەیەکی یارییە ئاگرینەکان لە هیندستان ١١ کەس گیانیان لەدەستداوە](https://gulanmedia.com/public/images/posts/20240206212811_original_8.jpg )
لە ئەنجامی تەقینەوەیەکدا لە کارگەیەکی بەرهەمهێنانی یارییە ئاگرینەکانی نایاسایی لە ویلایەتی مادیا پرادێشی هیندستان، ١١ کەس گیانیان لەدەستدا.
تەقینەوەکە لە دەوروبەری کاتژمێر ١١:٠٠ بەکاتی ناوخۆ لە کارگەیەکی یارییە ئاگرینەکانی نایاسایی لە ناحیەی هاردای ویلایەتی مادیا پرادێش ڕوویداوە و دواتر کارگەکە ئاگری گرتووە.
لەم ڕووداوەدا ١١ کەس گیانیان لەدەستداوە و ٦٥ کەسیش بریندار بوون.
دەوترێت بەهۆی ئەم تەقینەوەیەوە ٦٠ خانووی دەورووبەر زیانیان بەرکەوتووە.
گوڵان: سەردار خەلیل