حوسییەکان: کەشتییەکی ئەمریکیمان لە کەنداوی عەدەن کردە ئامانج
![حوسییەکان: کەشتییەکی ئەمریکیمان لە کەنداوی عەدەن کردە ئامانج](https://gulanmedia.com/public/images/posts/20240129133525_original_40.jpg )
وتەبێژی حوسییەکانی یەمەن ڕایگەیاند: کە بە مووشەک کەشتییەکی هێزی دەریایی ئەمریکایان لە کەنداوی عەدەن کردە ئامانج.
یەحیا ساری، وتەبێژی حوسییەکانی سەر بە ئێران لە یەمەن، لە تۆڕی کۆمەڵایەتی ئێکس ڕایگەیاند: کەشتییەکی هێزی دەریایی ئەمریکامان بە ناوی » «lewis B puller لە کەنداوی عەدەن لە باشووری یەمەن بە مووشەک کردە ئامانج.
ڕوونیشی کردەوە: ئەم کەشتییە پاڵپشتی لۆجستیی پێشکەش بە هێزەکانی ئەمەریکای بەشداربوو لە هێرشەکەی سەر یەمەن دەکرد.
وتەبێژی حوسییەکان جەختی لەوە کردەوە: تا هێرشەکانی سەر غەززە ڕانەگیرێت و گەمارۆکە هەڵدەگیرێت، بەردەوام دەبین لە ڕاگرتنی کەشتییە ئیسرائیلییەکان یان ئەو کەشتیانەی کە دەچنە بەندەرەکانی ئیسرائیل.
گوڵان: سەردار خەلیل