لیستی پاڵێوراوانی خەڵاتەكانی ئۆسكار ڕاگەیەندرا
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104603_original_1.jpg )
لەگەڵ نزیكبوونەوەی وادەی بەڕێوەچوونی رێوڕەسمی دابەشكردنی خەڵاتەكانی ئۆسكار2024 بۆ خولی 96هەمین,لە ئێستادا لیستی پاڵێوراوانی خەڵاتەكان ڕاگەیەندرا و فیلمی (ئۆپنهایمەر)لە پێشەنگی فیلمەكانە و هەوڵی بردنەوەی 13 خەڵاتی ئۆسكار دەدات .
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104628_big_770x552_20.jpg )
هەروەها فیلمی (Killers of the Flower Moon) كە ئەستێرەی سینەمایی مارتن سكورسیزی كاری دەرهێنانی ئەنجامداوەو هەریەك لە رۆبەرت دی نیرۆ و لیۆناردۆ دیكاپریۆ پاڵەوانی فیلمەكەن هەوڵی بەدەستهێنانی 10 خەڵاتی ئۆسكار دەدات,وە فیلمی (poor things)هەوڵی بەدەستهێنانی 11 خەڵاتی ئۆسكار دەدات,هەروەها فیلمی باربی كە دەنگدانەوەیەكی زۆری بە دوای خۆیدا هێنا و لە هۆڵی سینەماكاندا بینەرێكی زۆری هەبوو تەنها بۆ 8خەڵاتی ئۆسكار پاڵێوراوە .
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104644_big_770x552_27.jpg )
ئەگەر چی لە ساڵی 2018 كریستۆڤەر نۆلان پاڵێوراو بوو بۆ بەدەستهێنانی خەڵاتی ئۆسكار,لە ئێستادا بۆ دووەمجار هەوڵی بەدەستهێنانی خەڵاتی ئۆسكار دەدات وەك باشترین دەرهێنەری سینەمایی .
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104658_big_770x552_7.jpg )
ڕاگەیاندنی لیستی پاڵێوراوانی خەڵاتەكانی ئۆسكار تا ڕادەیەك لای هەوادارانی فیلم و سینەما شۆك و پرسیاری درووست كرد,چونكە فیلمی (Killers of the Flower Moon)كە بینەرێكی زۆری هەبوو و سەركەوتنێكی گەورەی تۆمار كرد لەگەڵ ئەوەشدا لیۆناردۆ دیكاپریۆ پاڵەوانی فیلمەكە ناوی لە لیستەكەدا نەبوو وەك باشترین ئەكتەر,بەهەمان شێوە بۆ مارگۆت ڕوبی پاڵەوانی فیلمی باربی كە فیلمەكە پاڵێوراوە بۆ بەدەستهێنانی 8 خەڵاتی ئۆسكار بەڵام ناوی لە نێو باشترین خانمە ئەكتەرەكاندا نییە .
گوڵان-ئاسۆ كاكەیی
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104724_big_770x552_35.jpg )
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104740_big_770x552_43.jpg )
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104753_big_770x552_12.jpg )
![لیستی پاڵێوراوانی خەڵاتەكانی ئۆسكار ڕاگەیەندرا](https://gulanmedia.com/public/images/posts/20240125104804_big_770x552_15.jpg )