سوود وەرگرتن لە ئاوی بنێشتەتاڵ بۆ پاراستنی پێست
December 14, 2023
رەنگا و ڕەنگ
زۆر ڕێگە هەیە بۆ سوودوەرگرتن لەم مادەیە و زەیتەكەی، لەم بابەتەدا سوودی ئاوی بنێشتەتاڵ بۆ توندكردنەوەی پێست باس دەكەین.
چۆنیەتی بەكارهێنان: پارچە لۆكەیەكی پاك لە ئاوی بنێشتەتاڵدا تەڕ بكە و بەیانیان و ئێواران دەموچاوت پێی بسڕەوە، دەبینیت دوای بەكارهێنانی ئاوی بنێشتەتاڵ، گەشانەوە و توندبوونەوەی پێست دەردەكەوێت و ئەنجامێكی باشی دەبێت.
تێكەڵەی بنێشتەتاڵ لەگەڵ نیشاستە و ئاوی گوڵ: ئاوی بنێشتەتاڵەكە لەگەڵ كەمێك نیشاستە لەسەر ئاگرێكی كەم دابنێ، تاوەكو تێكەڵەكە خەست دەبێتەوە، پاشان ئاوی گوڵ و كرێمی شێداركەرەوی پێست بخەرە ناو تێكەڵەكەوە.
دواتر بیخە ناو بەفرگر تا توند دەبێت، پاشان لەسەر دەموچاوتی دابنێ، كاتێك وشك بووەوە، مادەكە لە دەموچاوت بكەرەوە، دواتر بە باشی بیشۆ.
