چەندین هۆكار هەیە كە دەبنە هۆی وشكبوونی دەستەكان، وەكو زۆر شتنی دەست بە سابون، یان گۆڕانی كەشوهەوا، كە زیاتر لە وەرزی پایز و زستان رووبەڕووی ئەم گرفتە دەبینەوە.

ماسكی سرووشتی سوودی زۆری هەیە بۆ شێداركردنەوەی پێست و رێگریكردن لە قڵیشان، بە چەند رێگەیەكی سرووشتی دەتوانیت پارێزگاری لە دەستەكانت بكەیت و ڕێگری لە وشكبوونەوەی بكەیت.

١- شیر و سۆدە
یەك كەوچك شیر، لەگەڵ بادەم و شیری گوێزی هندی تێكەڵ بكە، چارەکە کەوچکێکی بچوك سۆدەی نانی تێبكە، پاشان كەمێك شەكری قاوەیی یان شەكری سپی تێبكە، لەگەڵ هەندێك خوێی دەریا، لە كۆتاییدا ١-٢ دڵۆپ زەیتی زەیتوونی تێبكە و بە باشی تێكەڵیان بكە، بەم گیراوەیە٢-٣ خولەک مەساج بە دەستت بكە، دواتر بە ئاوی شلەتێن بیشۆرە.

٢- ماست
رۆڵێكی كاریگەری هەیە لە شێداركردنەوەی پێست، دەتوانیت ماست بدەیت لە دەستت، بۆ ماوەی ١٠ خولەك ،پاشان بەئاوی شلەتێن بیشۆرە، بۆئەوەی ئەنجامێكی ئەرێنی هەبێت رۆژانە دووبارەی بكەرەوە.