پڕۆسەی ڕیفراندۆمی سەربەخۆیی گەلی باشووری کوردستان پڕۆسەی ڕیفراندۆمی سەربەرزییە بۆ کوردو کوردستانیان، چونکە لە رۆژێکی وەها پیرۆز و پڕشنگداردا گەلی باشووری کوردستان بە هەموو ڕەنگە جیاوازەکانەوە هەستیان بە بوونی خۆیان کرد و شانازی و سەرفەرازیان بۆخۆیان تومار کرد.

سەرەڕای هەموو ئالنگاری و هەڕەشە و مەترسییەکان دەنگ و ئیرادەی خۆیان زاڵکرد بەسەر گشت ناحەزان و داگیرکارانی کوردستاندا و، پەیامی مەزڵومیەتی خۆیان بە مرۆڤایەتی گەیاند و بە مرۆڤایەتیان گوت ئێمەش مافی ڕەوای خۆمانە دەوڵەتی سەربەخۆ بە خۆمان هەبێت.
پڕۆسەکە بە ڕێژەی نزیکەی 93 % دەنگەکانی هاونیشتیمانیان سەرکەوت و مێژووش “سەرۆک بارزانی” کردە تاجی سەری زێرینی خۆی.

25/9/2017 رۆژێک بوو، بووە مایەی ئاسوودە بوونی ڕۆحی پاکی شەهیدەکانی کوردستان و ڕووداوێکی ئەوەندە پیرۆز بوو چونکە خەونی لە مێژینەی پێشمەرگە قارەمانەکانە و هەروەها خەونی هەر تاکێکی کوردستانی نیشتیمانپەروەرە.

ڕیفراندۆمی سەربەخۆیی کوردستان هاونیشتیمانیان وەک جەژنێکی میللی پێشوازیان لێکرد و بە بیروباوەرێکی بەهێزەوە و بێ ئەوەی ئالنگارییە نێوخۆیی و هەرێمی و نێودەوڵەتییەکان کاریان لێبکات پشتیوانی هەوڵەکانی سەرۆکی کوردستانیان کرد و هێژا بارزانیش ئیرادەی گەلی کوردستانی هەڵبژارد و لە سەروی هەموو شتێکەوە داینا؛
بۆیەش بارزانی و گەلی کوردستان سەلماندیان کە تەواوکاری یەکدین و هیچ هێزێک ناتوانێت ئیرادەی گەل تێک بشکێنێت.

پیرۆز بێت ئەم ڕۆژە پیرۆز و پڕشنگدارە لە گشت تاکێکی دڵسوز و نیشتیمانپەروەر لە هەر کوێیەکی ئەم جیهانەدا بن،
پیروزبێت لە سەرۆک و مەرجەعی گەلی کوردستان «هێژا بارزانی».