لە ئێستادا بە جۆرێكی دیكە باس و چیرۆكی نقومبوونی كەشتی تایتانیك كەوتە نێو ڕۆژنامەو میدیا جیهانییەكان,فیلمی ئەم چیرۆكەیش كە لە ساڵی 1997 بەرهەمهێندرا و (جەیمس كامیرۆن)سیناریۆ و دەرهێنانی ئەنجامداوە,  وەك بەشێك لەو مێژووە دەبیندرێت ئەویش بەهۆی ووردبوونەوە لە ڕووداوەكان و بەرزیی لە كوالتی وێنەگرتن و سەركەوتنی كارە سینەماییەكە,ئەگەرچی فیلمی تایتانیك ساڵی 1998 هەوڵید بۆ بەدەستهێنانی 14 خەڵاتی ئۆسكار بەڵام دەرئەنجام دەستكەوتێكی مێژوویی تۆماركردو 11 خەڵاتی ئۆسكاری بەدەستهێنا .

لە ئێستادا فرۆشتنی ئاشكرا كراوە بۆ چاكێتێكی (ڕۆز) پاڵەوانی فیلمی سینەمایی تایتانیك كە خانمە ئەكتەری بەریتانی (كەیت وینسلێت) ڕۆڵی دەبینێت, كە ئەم چاكێتە بەشێكە لە چیرۆكی ئەم كەشتییەو لەو فیلمە سینەماییە دەردەكەوێت,مەزەندە دەكرێت نرخەكەی بگاتە 100هەزار دۆلار,بەڵام بەپێی ئەو زانیارییانەی كە لە ئێستادا بڵاوبۆەتەوە 5كەس ئامادەیی خۆیان بۆ كڕینی چاكێتەكە نیشانداوە و نرخەكەی گەیشتووەتە 34هەزار دۆلاری ئەمریكی .