ڕێکخراوی تەندروستی جیهانی بڵاویکردەوە، ساڵانە 8.7 ملیۆن کەس بەهۆی جگەرەکێشانەوە گیان لەدەست دەدەن.

ڕێکخراوی تەندروستی جیهانی (WHO)  نۆیەمین ڕاپۆرتی خۆی لەبارەی ئاماری جیهانی تووتن بڵاوکردەوە و بەپێی ئەو ڕاپۆرتە ساڵانە 8.7 ملیۆن کەس بەهۆی بەکارهێنانی جگەرەوە گیان لەدەستدەدەن.

بەگوێرەی ئەم ڕاپۆرتە، یەک ملیۆن و ٣٠٠ هەزار کەس لە قوربانییەکان جگەرەکێش نەبوون و بەرکەوتەی دوکەڵی جگەرە بوون.

بەپێی ئاماری ڕێکخراوی تەندروستی جیهانی، نزیکەی 80%ی 1.3 ملیار بەکارهێنەری جگەرە لە جیهاندا لە وڵاتانی کەم داهات و مامناوەنددا دەژین.

ساڵی ڕابردوو 22.3%ی دانیشتوانی جیهان جگەرەیان بەکارهێناوە. ئەم ڕێژەیە بۆ پیاوان 36.7% و بۆ ژنان 7.8% بووە.

 

 

 

گوڵان: سەردار خەلیل