ئەمڕۆ سێشەممە 25/7/2023 مەکتەبی سیاسیی پارتی دیموکراتی کوردستان برووسکەیەکی پیرۆزبایی بۆ ١٤مین ساڵیادی دامەزراندنی بزووتنەوەی گۆڕان بڵاو  کردەوە کە ئەمەی خوارەوە دەقەکەیەتی:

بەڕێزان ڕێکخەری گشتی و ئەندامانی جڤاتی گشتیی و نیشتمانیی بزووتنەوەی گۆڕان..

بە بۆنەی (١٤)یەمین ساڵیادی دامەزراندنی بزووتنەوەی گۆڕانەوە پیرۆزباییەکی گەرم لە ئێوەی بەڕێز و ئەندام و لایەنگرانی حزبەکەتان دەکەین و، هیوای بەردەوامی و سەرکەوتنتان بۆ دەخوازین لە خزمەتکردنی دۆزی ڕەوای گەلەکەمان. 

لەم بۆنەیەدا ڕۆڵی بزووتنەوەکەتان لە پڕۆسەی سیاسیی هەرێم بەرز دەنرخێنین، هەروەها دووبارە جەخت دەکەینەوە سەر هاوپەیمانێتی و هەماهەنگی نێوانمان و سەرجەم هێز و لایەنە سیاسییەکانی کوردستان بۆ داکۆکیکردن لە دەستکەوتەکانمان و بەدیهێنانی گشت مافەکانمان.

هیوادارین هەموو لایەنەکان دڵسۆزانە و بەرپرسانە هەنگاو بنێن بۆ ئەنجامدانی پرۆسەی هەڵبژاردن و چارەسەرکردنی کێشە و گیروگرفتەکان و پتەوترکردنی بنەماکانی هەماهەنگی و دەستەبەرکردنی ئایندەیەکی ڕۆشن و شایستە بۆ گەلەکەمان.

دووبارە یادی دامەزراندنی بزووتنەوەکەتان پیرۆز بێت، هەر سەرکەوتوو بن.

مەکتەبی سیاسیی

پارتی دیموكراتى كوردستان

٢٥ـی٧ـی٢٠٢٣