ژمارەی قوربانیانی بارانبارینی وەرزی ئەم دواییە لە پاکستان زیادی کردووە و گەیشتووەتە ٨٠ کەس.

بەپێی ئامارەکانی ڕێکخراوی نیشتمانی بەڕێوەبردنی کارەساتەکانی پاکستان لە ماوەی ٢٤ کاتژمێری ڕابردوودا لە ویلایەتەکانی پەنجاب، سند و بەلوچستان، ٤ کەس بەهۆی بارانبارینی بەخوڕەوە گیانیان لەدەستداوە و ٩ کەسیش برینداربوون.

بەم شێوەیە ژمارەی ئەو قوربانیانەی بەهۆی بارانبارینی وەرزی گەرماوە گیانیان لەدەستداوە گەیشتە 80 کەس و 142 کەسیش بریندار بوون.

پێویستە ئاماژە بەوە بکرێت کە پاکستان هەموو ساڵێک لە نێوان مانگی حوزەیران و ئەیلولدا بەهۆی بارانبارینی وەرزی زیانێکی زۆری پێدەگات.

ساڵی ڕابردوو لە پاکستان بەهۆی ئەو لافاوانەی کە بەهۆی بارانبارینی وەرزی گەرماوە دروستبوو، هەزار و 739 کەس گیانیان لەدەستدا، زیانەکانی لافاو بۆ ئەم وڵاتە بە ٣٠ ملیار دۆلار مەزەندە دەکرێت.

 

 

 

گوڵان: سەردار خەلیل