ئەگەر ئەم بەحس و باسی تاخ و چین و باژێرکێن کوردستانێ بکەین دێ زڤرینەڤەبۆ پشتی سەرهلدانی چونکی ژین و ژیارا خلکی ل وی دەمی دەست پێکریە و لبن سێبەرا سایەیا حکومەتا هەرێمێ دژین و دوویر ژ زولم و زۆردارییا رژێما بەعس و نوکە بەرەڤ قویناغێن باشتر یێن ژیانێ دچن.

لێ یا مە دڤێت پتر خاندنەکێ بۆ بکەین ئەوە کۆ باژێرێ ئاکرێ یە ، ئاکرێ رۆژانە یا دکەڤیتە بەر هێرشێن هند کەس و دەزگەهێن راگەهاندنێ ، ئەڤە ژی بوویە دیاردەک و دەلیڤەک ژی ب هەجەتا کێماسی و گلەیا خەلکێ دەڤەرێ ب تولڤەکەر یان ژی بێژین ناهێلن و ب دەست کار لسەر خرابکرنا ناڤێ وێ دکەن..

لێرە دا بو مە دەرکەڤیت ئەرێ گەلو هەتا نوکە ئاکرێ شیایە جهێ وێ خزمەت و ماندیبوونا خەلکێ دەڤەرێ دایە ، دبیت پشکەکا خەلکی بێژن نە ئاستێ پێدڤی بوونێ دایە و راستە هەتا نوکە ژی وەکی پێدڤی بوونە بو نەهاتیە کرن و یا مەغدوورە لێ مەغدووریا وێ نە ئەو ئەگەرە چونکی هندوک کەس بوونە رێگر ژبو پێشئێخستن و پێشکەفتنا ئاکرێ و یا بو دهێتە کرن بەلێ ئەو کەسێ مە گوتی ناهێلن بگەهێیتە جهــ و لەوما پێشکەفتن بخو ڤە نەدیتیە و نابینیت لێ دڤێت ئەو تیڤلکێ نەڤییانی و نەزانینێ نەمنیت ل دەڤەرێ هنگی دێ تیڤلکەکێ دیتر نوی دەت و بیتە ئاکرو کا دەلال.

ئاکروکا دەلال ئەوە خودانی رەز و باغ و گەلیێ زنتە و سیپە و کانی زەرک و دەڤەرا سورچیەتی و دینارتە و گرەسێن کو خودانێ خو یێ زەنگین ب هەموو روویەکێ ڤە چ روویێ گەشتیاری یان چاندنێ ، ئەڤە دوویە بخو دبنە داهاتەک پری جوان و دەستکەفتێن جان ل دەڤەرێ بەلێ ناهێلن ئاکرێ یا بوویە خودانێ ڤیستەڤالەک نیڤدەولەتی نوکە یێن بێژن پایتەختێ نەوروزێ . بابو یا ل پایتەختێ دەرباز بووی بهێلن ناڤێ خوە یێ نیڤدەولەتی بپارێزیت و زێدەتر گەشێ بکەت نەک بچوکتر بکەنەڤە ڤی ناڤی.

ئەگەر راستە ئاکرێ خودانێ شەهید و بریندار و زیندیانە ئەڤە یە خزمەتکرنا گەل و ەلاتی و بهێلن دا ئەو خوین ب هەدەر نەچیت و خودان بەرپرس ژی دەستێ هەڤدوو بگرن ل ئاکرێ پتر بو خزمەتا دەڤەرێ ل خزمەتا خەلکی دابن .

ئاکرێ خودان سەدان گەنج و تۆلەزە ، بەلێ هەموویان چاڤی وان ژ رێیا ڤەکرنێ یە بۆ دەرڤەی باژیرێ خو خزمەتی بکەن ئەو ژی ئەگەر ب کورتی بەحس بکەین ،ئەوە کو نەبوونا دەلیڤێن کاری و تایبەت نەبوونا کەرتێ تایبەت هاتیە پشگوئێخستن . هەتا نوکە ب دەلیڤە ل دەڤەرێ گرنگی پێ نەهاتیە دان و ناهێتە دان ژی چونکی پتریا باژێر و باژێرکێن کوردستانێ دەلیڤا کاری یا کەرتێ تایبەت تا رێژەکێ هەیە بەلێ ئاکرێ ئەو ژی نینە و ئەڤە تنێ نموونەک لسەر نەبوون و نەهێلانا ناڤێ ئاکرێ یە و ژبلی وان کەس و شوشیالین بەردەوام ناڤێ ئاکرێ ب هەبوونا کێماسیەکی کێمکەن .
هاتنا مسرور بارزانی بۆ ئاکرێ رەنگڤەدانەکا دیتر بوویە و هەم بو خەلکی دەڤەرێ و هەم ژی بو گەشتیاران بوویە دەرگەهەکێ هیڤی بوونا خەلکی ب باژێری ئاکرێ و داخازکەین پتر گرنگی ل ئاکرێ بهێتە دان .