ئەگەر بەحس سیاسەت و رێڤەبرنا وەلاتان بکەین دێ ببین کو هەر وەلاتەکێ هندەگ گرێ و گرفتین جودا جودا هەنە د رێڤەبرنێ دا ، لێ تایبەت رۆژهەڵاتا ناڤی و ئێراقێ ژی ئەو چەندێ بێ بەهر نەبوویە د لاوازییا سیستەمێ رێڤەبرنێ د گشت واراندا .
لێ یا مە دڤێت بەحس بکەین ئاماژە بدەینە شەرێ ئێراقێ یێ نافخویی کۆ ئەو بوویە سەدەم رۆژ ب رۆژ لاوازیا وەلات و هەتا ڤیان و ژیانا وەلاتیان ژی کارتێکرنەکا زۆر لسەر هەیە و نەهاتیە بنبرکرن ئەڤ شەرە لێ بەرۆڤاژی ڤێ یەکێ کو دژوارتر بوویە و کارتێکرنا خۆ ئەرێنی کریە دەروون و ژیانا خلکێ دەڤەرێ و تایبەتی د پرسێن گرێدایی د وارێ کوردان ڤە .
دیسان د بەردەوامییا ڤان کاودانێن رووددەن ل ئێراقێ بوونە سەدەم کۆ ژبلی وەلاتەکێ زەنگینە و دەولەمەندییا خۆ هەبیت د پیشەسازی و نەفت و گازێ و چاندنێ ئەو چەندە بوویە ئەگەرێ هندێ کۆ ئێراق چو مفایەک ئابووری و لەشکری و رووێن دیتر ببینیت و بوویە گورەپان ومەیدانا وەلاتێن بیانی و زلهێز ل دەڤەرێ کو وان ژی هەر ئیکی بەرژەوەندیێن خۆ دڤێن و دگەل ئێراقێ دایە نە زێدەتر ،ئەگەر ئەوا وان دڤێت نەما ئێکسەر وی وەریسی بەردەن و جارەک دی ئێراق بنی دکەفیت .
لێ مە نەڤیێت دریژی بدەینە وەلاتێن وەک ئەمریکا و ئیران دگەل تورکیا تنێ یا مە دڤیێت بزانین کو شەرێ نافخۆیێ یێ مەزهەبی و تایفی روژ ب روژ دژوار تر بیت دگەل ئێک جا چ شەرێ لەشکری یان ژی دەروونی و کارین گروب و تیرۆرستی بوونە سەدەم و کاریگەر ژی لسەر سنور و ناڤا باژێراندا ژی بوویە جورە نە ئارامییەک و خرابی ل دور خۆ دهێلیت .
شەرێ گروب و سنە و شیعە بخو ژی دگەل ئێک کۆ ئەو ژئ بوویە سەدەم ئالۆزیی ناکوکی دیسان وەلاتێن زلهێز بخو ناهیلن ئەو ئێک دەست و هەلویست بنن ل سەر روودانان جونکی هەردەما بوونە ئێک ل وی دەمیدا ئەو چەندە نابیتە بەرژەوەندیا واندا لەومانێ ئەو دخازن ل دەڤەرێ هەردەم ناکوکی و نەئارامی هەبیت.
بەلێ ئەگەر سەیرو تیشک بێخینە لسەر هندێ ئایا " شەرێ نافخۆیا ئێراقێ و کاریگەری هەبیت لسەر هەرێما کوردستانێ " و بۆچی ژی هەبیت ئەگەر بیژیت هەبیت ؟ لسەر ڤی گرێی راوەستیانەکێ بکەین دی بینن بێگومان وەک سیاسەت و روویی سنۆر و ئارامیا دەڤەرێ بێگومان هەبیت جونکی هەرێما کوردستانێ هەتا بیژین لێکجودا بیت دگەل ئێراقێ ژی ژبلی کو هەرێمەکا سەربخویە ب سەر عیراقێ لێ هەر چ نەبیت هەڤسنورە دگەل وێ لەوما ئەو دبییتە ئەگەر و سەدەم هندێ کو کاریگەرییەکا ئێکسەر لسەر هەرێمی ژی بکەت، راستە کوردستان خودان قەوارەیەکێ بهێزە و کەس نەشیت بشکیتنت و ناڤ ببەت بەلێ ئەڤە هندێ ناگەهیت کۆ بیژین ئەڤ شەرە لسەر هەرێمێ ببوریت بێ نەخوشی و کاریگەر نەبییت لەوما ئەو شەرە تا رادەکێ ژی کاریگەریا خو هەبیت ل سەر هەریما کوردستانێ .
هەرێما کوردستانێ ژی دڤیت روول و پێگەهێ خۆ موکمتر بکەت لسەر ڤان روودانێن داوی ل ئیراقی ئێک هەلویست و دەنگ بن و پێکڤە هەڤکار بن لسەر دەستکەفیت و مافین رەواییین کوردا ، ئەگەر نە دێ پشتی ئەنجامێن شەرێ نافخویی ئێراقێ دێ ئەو ژی دگەل وان باجا ڤێ چەندێ دەن .
دیسا بابەتێ گەرم و رۆژێ ژی ئەوە راگرتنا نەفتا هەرێمێ یە ئەو ژی ژبلی زیاننێن مادی کۆ دبیتە شەرەک دەرونی ژی بۆ وەلاتیێن هەرێیمێ و تورکیا ژی نها خو ئیک لانەکریە لسەر رەوانەکرنا نەفتێ .