تەقینەوەیەك لە کارگەی "تەقەمەنی" تورکیا ڕوویدا
تەقینەوەیەک لە کارگەی بەرهەمهێنانی موشەک و بۆمب لە ئەنقەرەی تورکیا زیانی زۆری هەبووە.
سەرلەبەیانی ئەمڕۆ شەممە، تەقینەوەیەک لە کارگەیەکی دروستکردنی موشەک و تەقەمەنی لە ناوچەی ئەلماداغی ئەنقەرە ڕوویداوە.
ژمارەیەكی زۆری ئۆتۆمبێڵی ئاگرکوژێنەوە لەم ناوچەیەدا ئامادەن و سەرقاڵی کوژاندنەوەی ئاگرەکەن.
بەپێی سەرچاوە ناوخۆییەکان، دوای ئەوەی دەنگی تەقینەوەکە بیستراوە، دوکەڵی ئاگرەکە لە کارگەکەوە بەرزبووەتەوە.
هەروەها ژمارەیەک ئۆتۆمبێلی فریاکەوتن ڕەوانەی ناوچەکە کراون و دەوترێت بەلانی کەم ٥ کەس گیانیان لەدەستداوە.
ئەم وێستگەیە لەلایەن وەزارەتی بەرگری تورکیاوە خاوەندارێتی دەکرێت، کە پێداویستی موشەک و بۆمب بۆ هێزە چەکدارەکانی تورکیا دابین دەکات.
گوڵان: سەردار خەلیل
