دهەلبژارتنێت سەرۆکایەتی و پارلەمانێێت تورکیادا (٢٠٢٣) ، (هەدەپێ ) زیانەکى مەزن بەرکەفت ، بەری نوکە خودانێ (٦٧) کوررسییا بوو ،وەلێ نها شیایە بهەڤپەیمانییا چەپێت تورکی (٦١) کورسیا بدەستڤە بینیت ؟؟؟، ئەو ژى نەهەمى ئەندامێت هەدەپێ نە ؟ ئەگەر سەربەخۆ پشکدارییا هەلبژارتنا کریبا بێگومان دا زێدەتر دەنگ و کورسییا پەیداکەت ، بەلکو دا بیتە هێزەکا سیاسی پارلەمانی سەنگین و بڕیاردەر ، لێ مخابن نەشیا سیاسەتەکا ژیرو ژێهاتی پرێڤە ببیت؟. جهێ داخێیە شاشییا (هەدەپێ) چەند بارە دبیتن ، ددەمەکێدا دڤیا مفا ژ هزرو هەڵوێستێت دور ژ لوژیکێ ڕابوری وەرگرتبا . ئەگەر ملدابا بەر پرسا نەتەوایەتی و دخەما ڤەدیتنا چارەسەرییەکی تەندروست دابا بۆ خواستەکێت گەلێ کوردستانێ ل کوردستانا تورکیا ، دڤیا هەر لسەرو بەندێ هەلبژارتنێت ساڵا (٢٠١٤) دا کو پێگەهێ وێ (٨١) کورسی بوون ؟ ل هەولا گەهشتنا رێککەفتنەکێدابا لگەل (ئەکەپێ) , چونکە وی دەمی (ئەکەپە) ئامادەی رێککەفتنێ بوو ، بوى ئاوایی دا شێتن دچواچوڤێ رێککەفتنەکى سیاسی و یاساییدا چەند ئەرکەکا بجه بینیتن : (عبدالله ئوجەلان ئازادکەت ، ڕیگرىێ هەتا راددەیەکى باش لبەردەوامییا شەری بکەت و نەهێلیت بگەهیتە شەرێ خەندەکا ؟ کو بۆوە هۆکارێ کوشتنا زێدەتر ژ (١٠٠٠ ) کەساو برینداربونا چەند هزارەکێن دى و مشەختبونا پتر ژ (٥٠٠ )هزار کوردان ) بەرف باژرێت تورک نشین و ژیانەکى بێسەرو بەر ، بەلکو دا پشکداربن دحکومەتێدا و خزمەتەکا باشا دەڤەرێت کوردستانی کەتن و کاودانێت شەرخوازیێ گەلەک بەرف لاوازبونێ پاشڤەبەتن