ناوەندی ئۆپەراسیۆنە بازرگانییە دەریاییەکانی بەریتانیا ڕایگەیاند: کە لە کەناراوەکانی یەمەن هێرش کراوەتە سەر کەشتییەک.

لە بەیاننامەیەکدا ناوەندی ئۆپەراسیۆنە بازرگانییە دەریاییەکانی بەریتانیا ڕۆژی هەینی ڕایگەیاند: كە ڕاپۆرتیان پێگەیشتووە سەبارەت بە هێرشێکی چەکداری بۆ سەر کەشتییەک لە نزیک بەندەری نیشتون لە باشووری یەمەن.

لەسەر بنەمای ئەمەش سێ بەلەم کە هەریەکەیان ٣ یان ٤ سەرنشینی تێدابوو، ئەنجامدەری ئەم تەقەکردنەن.

لەم ڕاپۆرتەدا وردەکاری زیاتر باس نەکراوە.

تا ئێستا دەسەڵاتدارانی یەمەن، حوسییەکان، یان هاوپەیمانیی عەرەبی هیچ لێدوانێکیان لەسەر ئەم بابەتە نەداوە.

 

 

 

 

گوڵان: سەردار خەلیل