ب دله‌كێ خه‌مگين ب كۆڤان، به‌هيدارى و سه‌رساخيێ ل مالبات و كه‌سوكار و هه‌ڤال و هه‌ڤسه‌نگه‌رێن پێشمه‌رگه‌يێ قه‌هره‌مان‌ و تێكۆشه‌رێ ديار و به‌رنياسێ كوردستانێ، خودێ ژێ ڕازى محه‌مه‌د خالد بۆسه‌لى دكه‌م، هه‌ڤسۆز و هه‌ڤخه‌مێ وانم. ژ خودايێ مه‌زن هيڤيخازم گيانێ وى ب ميهره‌بانى و دلۆڤانييا خۆ شاد بكه‌ت و سه‌بر و ئاراميێ بده‌ته‌ هه‌ميان.

خودێ ژێ ڕازى محه‌مه‌د خالد بۆسه‌لى وه‌كى قه‌هره‌مان و تێكۆشه‌ره‌كێ كوردستانێ، هه‌مى ژيانا خۆ د خه‌بات و پێشمه‌رگاتيێدا ده‌رباس كر و د هه‌ردو شۆڕه‌شێن ئه‌يلوول و گولانێدا، ژ سه‌رهلدانێ و هه‌تا دوماهيا ژيێ خۆ، خزمه‌ته‌كا مه‌زنا كوردستانێ كر و به‌شدارييا ده‌هان داستان و قه‌هره‌مانيێن پێشمه‌رگه‌ى كريه‌. بيرهاتنا وى هه‌رگاڤ دێ ساخ و زندى و هه‌ر ل بیرا مه‌ مینیت.

نێچيرڤان بارزانى
سه‌رۆكێ هه‌رێما كوردستانێ
2023/3/24