سەرۆکی حکوومەتی هەرێمی کوردستان بە بۆنەی هاتنی مانگی پیرۆزی ڕەمەزان پەیامێکی بڵاوکردەوە.
ئەمڕۆ چوارشەممە 22/3/2023، مەسرور بارزانی، سەرۆکی حکوومەتی هەرێمی کوردستان، لە پەیامێکدا بە بۆنەی هاتنی مانگی پیرۆزی ڕەمەزان رایگەیاندووە: "بە بۆنەی هاتنی مانگی پیرۆزی ڕەمەزان، گەرمترین پیرۆزبایی ئاراستەی موسڵمانانی کوردستان و عێراق و جیهان دەکەم".
دەشڵێت: "لە خوای مەزن و میهرەبان دەپاڕێینەوە کە نزا و نوێژ و ڕۆژووی هەمووان قبوڵ بکات و مانگی ڕەمەزان، ببێتە مایەی خێر و خۆشی و خۆشگوزەرانی بۆ هەرێمی کوردستان و جیهان بە گشتی".
